Show notes
អង្គការចំនួនពីរធ្វើការផ្នែកសិទ្ធិមនុស្ស និងសិទ្ធិដីធ្លី រកឃើញថា វិស័យមីក្រូហិរញ្ញវត្ថុនៅកម្ពុជា កំពុងធ្វើឲ្យមានការរំលោភសិទ្ធិមនុស្សនៅក្នុងភូមិជាច្រើន។ អង្គការទាំងពីរ និងសហគមន៍ដែលរងគ្រោះដោយបំណុល ទាមទារឲ្យរដ្ឋាភិបាល ស្ថាប័នផ្តល់ប្រាក់កម្ចី និងភាគីពាក់ព័ទ្ធ គិតគួរធ្វើយ៉ាងណាឲ្យអ្នកខ្ចីប្រាក់ទទួលបាននូវការអនុគ្រោះ បើពុំនោះទេ បញ្ហាបំណុលនេះ នឹងនាំឲ្យប្រជាពលរដ្ឋជាច្រើន បន្តប្រឈមនឹងភាពអត់ឃ្លាន ពលកម្មកុមារ ចំណាកស្រុក ការលក់ដីដោយបង្ខំ និងការរំលោភសិទ្ធិមនុស្សជាច្រើនទៀត។ ប្រធានសមាគមធនាគារនៅកម្ពុជា មិនចាប់អារម្មណ៍ចំពោះរបាយការណ៍ស្រាវជ្រាវនេះ និងអះអាងថា ធនាគារ និងគ្រឹះស្ថានមីក្រូហិរញ្ញវត្ថុ មានគោលការណ៍របស់ខ្លួនក្នុងការជួយគាំទ្រអតិថិជន ក៏ដូចបានអនុវត្តតាមច្បាប់ និងគោលការណ៍ណែនាំរបស់រដ្ឋាភិបាល។

