; 21:21; মার্ক 11:23 আৰা আং যুদি শুংসেতনি ক্রৌ মানা; বেবাক তুল্লুক ক্রৌৱায় আৰা বেবাক গেনায় দাসমান্নি সায়া, আৰা হৗচুৰ গাজায়বেসেন মান্নি গানা ইনায় যুদি ইগিনা বিশ্বাস তৱা, তেওবান ইনায় হাসানি তংচাৰৗন আং কিচুন দংচা। 3আৰা গৰীৱনা গাস্বাহন গৗমৗন যুদি বেবাকন ধন গাজাপা, আৰা বাৰায় হামমৗন লৗইং গৗমৗন ইনি কানোবান গৗথৗই লাৱা, নাত্নে ইনি হাসানি তংচাৰৗন, উবায় ইনি গসনান লাভ তংচা। 4হাসানিয়া তৗক্রৗই সৗয়া, দয়াবান গাসায়া; হাসানিয়া মৗকৗৰ চুংচা; 5হাসানিয়া অৗপিন আপাৱো দুৰুকচা, অহং তৗনৗকচা, সাৰচা চৗদুগ তৗনৗকচা, অৗপিন লাভ লামচা; 6ৰাগৱায় বাৰ পাকচা, সাৰচা তাকনা শুংশুংচা, ধৰম তংচায় খুসী গাসায়চৗইমৗন খৗন্তৗকৱায় খুসী গাসায়া; 7বেবাক ক্রৌৱোন সৗয়া, বেবাকন বিশ্বাস; বেবাকৱায়ৗন আশা গাসায়া, বেবাকন সৗইমৗন পাঙা। 8হাসানিয়া হেঙান মায়মৗন লৗইচানা; নাত্নে শুংসেতনি ক্রৌৰৗন, উৱো মায়মৗন লৗইঙা; যুদি পেৰেংচা ক্রৌসৗন ব্রাঙি সায়ৰৗন, উদো বুসুন্না; গেন তৱাৰৗন উদোবান মায়মৗন লৗইঙা। 9আতাঙা নাঙি গেনা তাপ্রাকসৗন আৰা নাঙি শুংসেতনি ক্রৌবান তাপ্রাকসৗন; 10নাত্নে যিয়ো পুৰা উৱো সকফৗইৰৗন, উ তাপ্রাকৱো বুসুন্না।11আং জেলা স্বাবেক পাংতানা, স্বাবেক গানান ক্রৌ ব্রাকতানা, স্বাবেক গানান শুংশুংতানা, স্বাবেক গানান তৗৰৗইতানা; তি চুঙৌ গৗমৗন স্বাবেক গানাদো বেবাকন বাকায়ৌ। 12আতাঙা তি নাং আয়নাৱায় নৗকৰাপ-নৗকচাৰাপ নৗকঙি গানা সায়তা; নাত্নে উ সময় মাহাং বায়বায় নৗকঙা; তি ই গেন তাপ্রাকসৗন; নাত্নে উ সময়, আং যেগেনান পুৰা দাসমানৌ, উগুনা পুৰাৱোন দাসমান্না। 13আৰা তি বিশ্বাস, আশা, হাসানি, ই আথাম তৱা; নাত্নে এনোঙি মাজাৰায় বেবাং চৗইবা হাসানিয়োন চুঙা।