Show notes
世界經濟論壇 年會（Davos）一向被視為「全球共識」嘅舞台——Net Zero、Global Goals、跨國合作。但今年，成個會場嘅氣氛明顯唔同。 當 Donald Trump 帶住關稅、產業、主權同安全嘅語言入場，一套以修辭維繫嘅世界觀，即時要面對算術。呢個衝突，唔單止係政策分歧，而係兩種權力理解方式嘅正面對撞。 歐洲多年來自豪嘅綠色轉型敘事，亦開始暴露結構性後果：在氣候焦慮同政治正確推動下，工業基礎被拆解，關鍵供應鏈外判，而真正被養大的，並唔係所謂全球公共利益，而係一個高度集中、國家主導嘅製造體系。Green energy 由理想，逐步異化成地緣政治工具，呢個結果已經無法再用語言掩飾。 今集唔係為任何政治人物辯護，而係嘗試拆解一個現實：當安全要標價、盟友要計數、產業要回流，舊有嘅道德語言同制度敘事，仲有冇足夠力量維持秩序？ 今年嘅 Davos，唔係世界失去共識，而係第一次要承認—— 權力，已經唔再配合演出。你有乜野睇法，歡迎留言話我知。 00:00 Mi Manchi Sempre a Napoli 00:14 2026 WEF 01:29 WEF 唔係冇牙 03:22 新外交語言唔洗客氣 留言告訴我你對這一集的想法： Powered by Firstory Hosting