Zabur 69:9. 4Har chizzé ke pésará nebisag butag, pa may tálimá butag, tán gón Pákén Ketábay bakshetagén sabr o delbaddhiá márá omét berasit. 5Nun sabr o delbaddhiay Hodá shomárá anchén zendé bebakshát ke Issá Masihay paymá gón yakdomiá hamdel o hamsetk bebét, 6tán shomá pa hamdeli o hamtawári Hodá, bezán may Hodáwandén Issá Masihay Petá, satá o saná bekanét. 7Nun pa Hodáay shán o shawkatá, shomá yakdomiá hamá paymá wasshátk bekanét o bezurét ke Masihá shomárá zortag. Yahudi o darkawmáni omét 8Shomárá gwashán ke pa Hodáay rástiay pajjáragá, Masih Yahudiáni 15:8 Asligén Yunáni nebeshtánka gwashit: “sonnat kortagénáni”. hezmatkáré butag tánke hamá kawl o wádahán pakká bekant ke bonpirokán dayag butagatant o 9tánke darkawm, Hodáyá pa áiay rahmatán satá o saná bekanant. Anchosh ke nebisag butag: “Paméshká tará kawmáni nyámá satá kanán o tai námá názénán.”  15:9 Samwél Káziay Domi Ketáb 22:50; Zabur 18:49. 10Padá gwashag butag: “Oo darkawmán! Gón áiay kawmá shádehi kanét.”  15:10 Mussáay Wáz 32:43. 11Démterá: “Oo sajjahén kawmán! Hodáwandá benázénét. Jahánay sajjahén ráj áiá satá o saná bekanant.”  15:11 Zabur 117:1.